Ja unser große gemeinsame Leidenschaft is Fußball!  Mia zwoa spuin bei de Kirchweidacher B-Junniorinnen. De Dani hod scho a vuui längere Karriere hinter sich ois ich. I bin erst seit 2004 dabei. Davor hob i eigentlich nua dahoam zur Gaudi rumkickt, bin aba saufroh, dass in Kirchweidach ogfanga hob. Wissad ned wos i ohne den varückten Haufa macha dad. Unsa Manschaft is scho wos ganz Besonderes! Wenn ma mid dene beinand is hod ma imma a Gaudi!  Unser "Schlachtruf" voa jedem Spiel lautet: Einer für Alle( vo unsam Spielführerl) und Alle für Einen (brüllt da Rest der Manschaft im Kreis zruck). Dazua is jetz neu kemma: Auf gähts- Back mas!  Wenns ia a Foto vo unserer Manschaft sehn wollts dann klickts auf Fotos und schauts es eich o!

Jo Dani jetz daefst du a wos dazua song!

So...osio...i bin jetz scho seit 2000 bei de Mädls vom FC Kirchweidach dabei...! Damois wa aba de Zeit no ned so rosig wie jetz...ham vui hohe Niederlagen (i red a vom zweistelligen Bereich) eistecka miasn, aba mia ham ned aufgem. So is jetz wirklich a saugeile und superguade Mannschaft entstanden...mid dea as Fuassboi spuin so richtig Spaß macht...! Echt Mädls IHR SEITS SO GEIL!!! *g*  Bevor i zu de Mädls ganga bin hab i bei de Halsbacher Buama midgspuid... und zwar in da F- und E-Jugend vom SV Halsbach. I glab mei "Fussballkarriere" hab i nua meine zwoa Nachbarn und Cousins zu verdanken...mid denen i daheim imma gspuid hab und de mi letztendlich zum SV Halsbach ad Mannschaft bracht ham. Stoids eich moi vor, i hätt Mädls ois Nachbarn ghod...wea woas wos i heid macha dad...evtl Balett??  Naja, gott sei dank wa oda is des ja ned dea Fall! aba jetz wida zu unsana Mannschaft...! Seit kurzen hamma jetz a a suuuper Maskottchen, des uns imma begleitet: an Sponge! wead glei moang a foto vo unsam spongebob schwammkopf macha...damit ihr den a seng kinds. Und unsa rundn laft echt suuupa...wead no an link zu unsana tabelle und so setzn, dass ihr a imma aufn laufenden seits...!! I galb des hod koana dacht, dass mia nachn Aufstieg in de Bezierksliga a glei wida gaaanz, gaaanz vorn dabei sand...*stolz bin*!! Ansonsten ko i blos no song, schauts eich de Fotos o, dann kinds eich soiba davo a Buidl macha und merkts bestimmt glei, dass mia a total lustiga Haufa sand, de alle supa guad zambassn.

jaja... jetz sand de spiele 2006 draußen a vorbei. dafür geben wir jetz in da halle a wieda oise und schaun, dass ma bei de Turniere, de ma ham, so guad wia möglich abschneiden!

 yeah! des erste Hallenturnier in AÖ hamma jetz erfolgreich aufm 1. Platz abgeschlossn!  des Finale hamma mit 2:0 gegen Wurmmannsquick (kA wia ma des schreibt) gewonnen.  Dritter is Altötting gwordn.